ГЗБГЗЗЕГ-ААС "ИРГЭДИЙН ИТГЭЛИЙГ ХҮЛЭЭСЭН ТӨРИЙН ҮЙЛЧИЛГЭЭНИЙ ЖИЛ" БОЛГОН ЗАРЛАСАНТАЙ ХОЛБОГДУУЛАН ЦАХИМ СУРГАЛТЫГ ЗОХИОН БАЙГУУЛЛАА.
2025-02-14
“Иргэдийн итгэлийг хүлээсэн төрийн үйлчилгээний жил” болгон зарласантай холбогдуулан төрөөс газрын талаар баримтлах бодлого шийдвэрийн хэрэгжилтийг хангуулах, хууль тогтоомжийг сурталчлах ажлын хүрээнд аймаг, сумдын Засаг дарга, ИТХ-ын дарга, болон Засаг даргын Тамгын газрын холбогдох мэргэжилтэн нарт цахим сургалтыг ГЗБГЗЗЕГ-аас зохион байгууллаа.
Сургалтыг дараах сэдвийн хүрээнд явагдсан ба Үүнд:
Газрын тухай хууль, тогтоомжид орсон нэмэлт өөрчлөлтүүдийн талаарМалчдын хоршоонд мал аж ахуйн үйлдвэрлэл эрхлэх, тэжээлийн ургамал тариалах зориултаар газар олгох ажлын явц, тулгамдаж буй асуудлуудГазрын мониторингийн үйл ажиллагаа, Газрын төлөв байдал, чанарын хянан баталгааны талаар анхаарах асуудал, нөхөн сэргээлтГазар өмчлөх, эзэмших, ашиглах эрхийн дуудлага худалдаа, эзэмших, ашиглах эрхийн төсөл сонгон шалгаруулалт зохион байгуулахад анхаарах асуудалГазар зүйн нэр, Геодезийн байнгын цэг, тэмдэгтийн тодруулалт, хот, суурины төвийн 1:1000-ны масштабтай байр зүйн зураг, газар доорх шугам сүлжээний зургийг солбицлын ITRF2020 тогтолцоонд хийх ажлын талаарх мэдээлэлАрхивын баримт, бичгийн хадгалалт, хамгаалалт, байрны асуудал шийдвэрлэхэд дэмжлэг үзүүлэх талаарх мэдээлэл болон бусад асуудлыг танилцууллаа.Сургалтад Баян-Өлгий, Сүхбаатар аймгийн Засаг дарга нар, 21 аймгийн 320 сумын Иргэдийн Хурлын дарга, Засаг дарга, аймгийн Засаг даргын Тамгын газрын мэргэжилтэн, сумын даамал зэрэг нийт 1650 ажилтан, албан хаагч хамрагдан мэдээлэл авч, асуулт, санал солилцлоо.
Санал асуулга