ХАТУУ ХУЧИЛТТАЙ АВТО ЗАМ ШИНЭЭР БАРЬЖ, АВТО ЗАМЫН СҮЛЖЭЭГ НЭМЭГДҮҮЛЭХЭЭР АЖИЛЛАЖ БАЙНА.

Аймгийн Засаг даргын “Тогтвортой бодлого тасралтгүй хөгжил” 2024-2028 оны үйл ажиллагааны хөтөлбөр, Сайншанд сумын Засаг даргын үйл ажиллагааны хөтөлбөр /2024-2028/-н 1.6.3.2-д “Хатуу хучилттай авто зам шинээр барьж, авто замын сүлжээг нэмэгдүүлнэ” гэж заасан.

Дээрх хөтөлбөрт тусгагдсаны дагуу иргэдийн амьдрах орчин нөхцөлийг сайжруулах зорилгоор орон нутгийн төсвийн хөрөнгө оруулалтаар 8 дугаар багийн нутаг дэвсгэрт 1.22км авто зам барих замын ажлыг “Эм Эн Эйч Инженеринг” ХХК, аймгийн Засаг даргын Тамгын газартай гэрээ байгуулан гүйцэтгэж байна.

Иймд 8 дугаар багийн нутаг дэвсгэрт Үзүүр-11 дүгээр гудамжинд авто замын трасст орсон айлуудтай зөвшилцөж уулзалт хийн, мэдэгдэх хуудас өгч ажиллалаа.