ХУДАЛДАН АВАХ АЖИЛЛАГААНЫ ТӨЛӨВЛӨГӨӨ 45 ХУВИЙН ГҮЙЦЭТГЭЛТЭЙ БАЙНА

Дорноговь аймгийн хэмжээнд улс, орон нутгийн төсвийн хөрөнгө оруулалтаар  42.7 тэрбум төгрөгийн 51 төсөл 2021 онд хэрэгжих юм. Улсын төсвөөс  нийт 27.0 тэрбум төгрөгийн 5 төсөл арга хэмжээ, орон нутгийн төсвийн хөрөнгө оруулалтаар 46 төсөл, арга хэмжээний  15.7 тэрбум төгрөгийн төсөв батлагдсан. Өнөөдрийн байдлаар батлагдсан хөрөнгө оруулалтын 3 төсөл арга хэмжээг эрх шилжүүлж, 23 төсөл арга хэмжээний тендерийг зарлаж, худалдан авах ажиллагааны энэ оны төлөвлөгөө 45 хувийн гүйцэтгэлтэй байна. Үүнээс 7 төсөл арга хэмжээний тендер шалгаруулалт дуусаж, гүйцэтгэгчийг сонгон шалгаруулан 1.5 тэрбум төгрөгийн ажил гүйцэтгэх гэрээ байгуулаад байна.