ГАЗРЫН ТӨСӨЛ СОНГОН ШАЛГАРУУЛАЛТЫН ЗАР

Аймгийн  Засаг даргын 2021 оны А/639  тоот захирамжийг үндэслэн дор дурьдсан байршилтай газарт газар эзэмшүүлэх төсөл сонгон шалгаруулалтыг 2022 оны 12-р сарын 15-ны өдрөөс эхлэн 60 хоногийн хугацаатай  зарлаж байна. 

Шалгаруулалтанд оролцогчдыг бүртгэх болон төслийг ирүүлэх эцсийн хугацаа:

Бүртгэлийг 2022 оны 12-р сарын  11 –ний өдрөөс эхлэн 12-р сарын 14-ны өдрийн 15:00 цаг хүртэл Газрын биржийн цахим системээр хүлээн авна. 

Барилга, байгууламжийн архитектур, төлөвлөлтийн даалгавар боловсруулах,  техникийн нөхцөл, барилгын ажил эхлэх, дуусах хугацаа, ерөнхий төлөвлөгөө, тохижилтыг төсөлд оролцогч этгээд өөрсдөө хариуцна.

Төсөл сонгон шалгаруулах үндсэн үзүүлэлтүүд:

1. Төсөл нь зард тусгасан шаардлага болон бүрдлийг хангасан эсэх:
2. Барилга, хот байгуулалтын норм, дүрмийн шаардлагад нийцсэн эсэх;
3. Төслийг “Төслийн удирдлагын арга зүйн заавар” MNS ISO 21500 стандартын дагуу боловсруулсан эсэх;
4. Төсөл нь газар зохион байгуулалтын төлөвлөгөөнд нийцүүлэн боловсруулагдсан бизнес төлөвлөгөөтэй эсэх
5. Төсөл нь аймаг, нийслэл, сум, дүүргийн газар зохион байгуулалтын болон чөлөөт бүс, хот, тосгоны хөгжлийн ерөнхий төлөвлөгөөнд тусгагдаж түүнд нийцсэн эсэх;
6. Төсөл хэрэгжсэнээр шинээр бий болох ажлын байрны тоо, хэмжээ;
7. Тухайн хот, тосгон, суурин газрын нийгэм, эдийн засгийн хөгжилд ач холбогдолтой эсэх;
8. Улс, орон нутгийн төсөвт оруулах орлогын хэмжээ;
9. Тухайн газарт явуулах үйл ажиллагаа байгаль орчинд сөрөг нөлөө үзүүлэх эсэх.
10. Бусад / Төслийн урилга дээр тусгаж өгсөн байна/

Сонирхогч иргэн, аж ахуйн нэгж, байгууллага төслийн баримт бичигтэй үнэ төлбөргүй танилцах эрхтэй бөгөөд 50,000 төгрөгийг төлснөөр төсөл сонгон шалгаруулалтад оролцож болох бөгөөд дор дурьдсан шаардлагыг хангасан байвал зохино.

• хөрөнгийн баталгаа, төлбөрийн чадвартай байх;
• мэргэжлийн ажиллах хүчний болон техник технологи, тоног төхөөрөмжийн чадавх, нөөцтэй байх;
• төсөл нь зарласан нөхцөл шаардлага, стандартыг хангасан байх;
• төслөө зарласан хугацаанд ирүүлсэн байх;
• шаардлагатай тохиолдолд холбогдох үйл ажиллагаа эрхлэх тусгай зөвшөөрлийг авсан байх.

Газрын байршил, хил хязгаарыг харуулсан схем зураг болон бусад дэлгэрэнгүй мэдээллийг www.mle.mn гэсэн сайт 70523988, 99825191 утсаар болон аймгийн Газрын харилцаа, барилга, хот байгуулалтын газарт ирж лавлана уу.